სექსუალური შევიწროება პრობლემატური საკითხია და საკანონმდებლო მიმართულებითაც ბევრია სამუშაო, - ამის შესახებ პარლამენტის დეპუტატმა, გენდერული საბჭოს წევრმა დიმიტრი ცქიტიშვილმა დღეს გამართული დისკუსიის - „სექსუალური შევიწროება - რა გამოწვევის წინაშე ვდგავართ“ კომენტირების დროს განაცხადა.
მისი თქმით, აღნიშნულ საკითხზე პარლამენტში შესულია საკანონმდებლო პაკეტი, რომელზეც ინტესნიური მუშაობა მალე დაიწება.
„დღესდღეობით პარლამენტში შემოტანილია საკანონმდებლო პაკეტი, რომელიც ითვალისწინებს სტამბოლის ძალადობის წინააღმდეგ კონვენციას და ასევე, საკითხების ძალიან ფართო სპექტრს მოიცავს. ეს გულისხმობს კონკრეტული მექანიზმების ჩადებას, იმისათვის, რომ ვებრძოლოთ ოჯახში და არა მხოლოდ ოჯახში სექსუალურ ძალადობას“, - განაცხადა დიმიტრი ცქიტიშვილმა.
დისკუსია სახალხო დამცველის ორგანიზებით გაიმართა.
v-if="article.gallery" v-html="article.gallery"