სასამართლომ ბათუმის მოვლენებზე დაკავებული კიდევ 8 პირი პატიმრობაში დატოვა

11-12 მარტს ბათუმის მოვლენებზე სისხლის სამართლის ბრალდებით დაკავებული კიდევ 8 პირის წინასასამართლო პროცესი ბათუმის საქალაქო სასამართლოში დასრულდა. მოსამართლე ვიოლეტა ფორჩხიძის გადაწყვეტილებით, დაკავებულები პატიმრობაში რჩებიან.

სასამართლოს ბრალდების მხარემ საქმეში არსებული მტკიცებულებების ჩამონათვალი წარუდგინა. თავის მხრივ ადვოკატებმა აღკვეთის ღონისძიების სახით გირაოს შეფარდება მოითხოვეს, რომელიც სასამართლომ არ დააკმაყოფილა.

დაკავებულებს ბრალი ორი მუხლით აქვთ წარდგენილი, ესენია: „სისხლის სამართლის კოდექსის“ 225 - ე მუხლი, რაც მასობრივ არეულობას გულისხმობს და 353-ე პრიმა მუხლი, რაც ითვალისწინებს პოლიციელზე თუ ხელისუფლების სხვა წარმომადგენელზე ან საჯარო დაწესებულებაზე თავდასხმას.

დღესვე სისხლის სამართლის ბრალდებით დაკავებული 9 პირის სამართლო პროცესი გაიმართა. მოსამართლის გადაწყვეტილებით, ისინიც პატიმრობაში რჩებიან. 17 პირის სასამართლო პროცესი მიმდინარე წლის 17 და 19 მაისს დაინიშნა.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად