ნაკლებად სავარაუდოა, რომ ჩრდილოეთ კორეა თავის მუქარას განახორციელებს და გუამის კუნძულზე, სადაც ამერიკული სამხედრო ბაზებია განლაგებული, სარაკეტო დარტყმებს განახორციელებს, - ამის შესახებ სამხრეთ კორეის თავდაცვის მინისტრმა, სონ იონ მუმ განაცხადა.
„დარტყმის განხორციელების ალბათობა ძალიან დაბალია, თუმცა ტექნიკური თვალსაზრისით, ჩრდილოეთ კორეას შეუძლია ამის განხორციელება“, - განაცხადა მინისტრმა.
მისივე თქმით, ფხენიანი ასეთ ნაბიჯს მხოლოდ უკიდურეს შემთხვევაში გადადგამს.
სამხრეთ კორეის პრეზიდენტმა მუნ ჩჟე ინმა დღეს განაცხადა, რომ ჩრდილოეთ კორეის სარაკეტო და ბირთვული პროგრამის პრობლემა მშვიდობიანი გზით უნდა გადაიჭრას.
„არავითარ ომს არ უნდა ჰქონდეს ადგილი კორეის ნახევარკუნძულზე. ჩრდილოეთ კორეის ბირთვული პროგრამის პრობლემა მშვიდობიანი გზით უნდა გადაიჭრას“, - აღნიშნა სამხრეთ კორეის პრეზიდენტმა.
