სასაზღვრო პოლიციის ვერტმფრენთან, რომელიც გუშინ მდინარე გუჯარულაზე ავარიულად დაეშვა, ექსპერტ-კრიმინალისტები მუშაობენ.

როგორც „ინტერპრესნიუსის“ კორესპონდენტი ადგილიდან იუწება, საგამოძიებო ღონისძიებების ფარგლებში ვერტმფრენის ცალკეული დეტალების დათვალიერება ხდება.

ადგილზე სამუშაოებს ატარებენ ასევე ინჟინრები, რომლებიც ვერტმფრენს თბილისში გადასატანად ამზადებენ. კერძოდ, უკვე მოხსნილია ვერტმფრენის ფრთები და მიმდინარეობს მისი დაცლა საწვავისგან. ადგილზე მობილიზებულია სპეციალური ტექნიკა და საპატრულო პოლიციის ეკიპაჟები.

ვერტმფრენი მდინარიდან რამდენიმე საათი წინ ამოიყვანეს.