ტექდათვალიერების მოთხოვნები, ასევე ტესტირების პერიოდულობა მთავრობის აქტით განისაზღვრება
ავტოსატრანსპორტო საშუალებების გზისთვის ვარგისიანობაზე ტესტირება პერიოდული ტექნიკური ინსპექტირებით იცვლება. ტესტირების ცენტრი იცვლება ინსპექტირების ცენტრით.
შესაბამისი ცვლილებები “საგზაო მოძრაობის შესახებ“ კანონში ხორციელდება, რომელიც პარლამენტს მთავრობამ წარუდგინა.
ამავე ცვლილებებით, ავტოსანტრანსპორტო საშუალებებისათვის წასაყენებელი ტექნიკური მოთხოვნები, გზისთვის ვარგისობაზე ტესტირების ფირნიშების ფორმა და დამზადების წესი, აგრეთვე ტესტირების პერიოდულობა მთავრობის ნორმატიული აქტით განისაზღვრება.
პროექტის მიხედვით, შესაბამისი ფირნიშების დამზადებასა და ტესტირების ცენტრისთვის გადაცემას ეკონომიკისა და მდგრადი განვითარების სამინისტროს სისტემაში შემავალი სახმელეთო ტრანსპორტის სააგენტო, ცენტრის წერილობითი მოთხოვნისა და აკრედიტაციის დამადასტურებელი დოკუმენტის საფუძველზე უზრუნველყოფს.
გზისთვის ვარგისობაზე ტესტირების გავლის დამადასტურებელი ფირნიში ავტომობილზე, საქარე მინის ქვედა მარცხენა კუთხეში თავსდება.
ამასთან, ცენტრი ვალდებული იქნება ყოველი თვის 10 რიცხვამდე, შესაბამისი ფორმით, შინაგან საქმეთა სამინისტროს საპატრულო პოლიციას წინა თვის განმავლობაში ტესტრირებულ ავტოსანტრაპორტო საშუალებათა ნუსხა მიაწოდოს.
v-if="article.gallery" v-html="article.gallery"
