ავსტრალიის პოლიციის განცხადებით, მელბურნში ავტომანქანის მძღოლი ფეხით მოსიარულეებს განზრახ დაეჯახა.

ამ ეტაპზე უცნობია, რა მიზნები ამოძრავებდა დამნაშავეს.

„ამ ეტაპზე ჩვენ ვფიქრობთ, რომ ეს იყო განზრახ ჩადენილი ქმედება, თუმცა მოტივები ჩვენთვის ჯერ უცნობია. მიმდინარეობს გამოძიება“, - განაცხადა პოლიციის წარმომადგენელმა.

პოლიციის განცხადებით, დაშავებულია 19 ადამიანი, მათგან რამდენიმეს მდგომარეობა კი მძიმეა.

ინციდენტი დღეს, ადგილობრივი დროით 16:30 საათზე მოხდა. მანქანის მძღოლი და კიდევ ერთი პირი დაკავებული არიან.