პარტიების დაფინანსების წესის ცვლილებაზე ჟორჟოლიანი-ნოზაძის საკანონმდებლო ინიციატივას კენჭი არ უყარეს

პოლიტიკური პარტიების დაფინანსების წესის ცვლილებაზე დეპუტატების, გია ჟორჟოლიანის და სიმონ ნოზაძის საკანონმდებლო ინიციატივა მესამე მოსმენით კენჭისყრაზე არ გაიტანეს.

კანონპროექტი მესამე, საბოლოო მოსმენით გია ჟორჟოლიანმა პარლამენტს გუშინ წარუდგინა, თუმცა არც გუშინდელ და არც დღეს ჩატარებულ კენჭისყრაზე პროექტისთვის კენჭი არ უყრიათ იმის მიუხედავად, რომ ის კენჭსაყრელ საკითხთა დღის წესრიგში იყო გათვალიწინებული.

როგორც ჟორჟოლიანმა „ინტერპრესნიუსს“ განუცხადა, მისთვის უცნობია, რატომ არ უყარა პარლამენტმა კენჭი კანონოპროექტს მესამე მოსმენით.

„ამის თაობაზე ჰკითხეთ ვინც კენჭისყრას განსაზღვრავს, ჰკითხეთ პარლამენტის თავმჯდომარეს. მე არ ვიცი, ვერაფერს გეტყვით“, - განაცხადა ჟორჟოლიანმა.

გია ჟორჟოლიანისა და სიმონ ნოზაძის მიერ მომზადებული ”მოქალაქეთა პოლიტიკური გაერთიანებების შესახებ“ კანონში ცვლილებების მიხედვით, პარტიისთვის კვალიფიციური სუბიექტის სტატუსის მინიჭება და მისთვის საბიუჯეტო დაფინანსების გამოყოფა იმ შემთხვევაშიც ხდება, თუკი პარტია პარლამენტში მაჟორიტარს გაიყვანს და მაჟორიტარული სისტემით არჩეული დეპუტატი ფრაქციას შექმნის.

აღნიშნული საკანონმდებლო ინიციატივის დამტკიცების შემთხვევაში, კვალიფიციური სუბიექტის სტატუსსა და შესაბამის საბიუჯეტო დაფინანსებას ”მრეწველთა” პარტია იღებს.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 20.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს
BDO-მ მე-4 კატეგორიის კომპანიების მომსახურებისთვის სპეციალური გუნდი გამოყო
რა მავნე ნივთიერებები აღმოაჩინა ჰამბურგის ლაბორატორიამ საქართველოდან გაგზავნილი თუთუნის შემადგენლობაში