პოეტი ზვიად რატიანი პროკურატურისგან დაზარალებულის სტატუსის მინიჭებას ითხოვს

სამართალდამცველების მიერ ადმინისტრაციული წესით დაკავებული პოეტი ზვიად რატიანი პროკურატურისგან დაზარალებულის სტატუსის მინიჭებას ითხოვს. ამის შესახებ ჟურნალისტებს რატიანის ადვოკატმა ანა ნასრაშვილმა განუცხადა.

როგორც მან აღნიშნა, პროკურატურას რატიანისთვის დაზარალებულის სტატუსისა და გარკვეული საგამოძიებო მოქმედებების ჩატარების მოთხოვნით დაცვის მხარე დღეს ოფიციალურად მიმართავს.

"გუშინ დაიწყო გამოძიება თბილისის პროკურატურის მიერ, პოლიციელების მხრიდან სავარაუდო უფლებამოსილების გადამეტების ფაქტზე. მოხდა ბატონი ზვიადის გამოკითხვა, ასევე სასამართლო-სამედიცინო ექსპერტიზის დანიშვნა. ჩვენ დღეს ვაპირებთ, რომ მივმართოთ პროკურატურას, რიგი საგამოძიებო მოქმედებების ჩატარებისა და მისთვის დაზარალებულის სტატუსის მინიჭების მოთხოვნით", - აღნიშნა ანა ნასრაშვილმა.

ამასთან, დღეს თბილისის საქალაქო სასამართლომ იმ ადმინისტრაციულ სამართალდარღვევაზეც უნდა იმსჯელოს, რის გამოც პოლიციამ რატიანი დააკავა. პროცესს თავად რატიანი, ჯანმრთელობის მდგომარეობის გამო ვერ დაესწრება.

ადვოკატის თქმით, ამის გამო ის პროცესის გადადებას მოითხოვს. რაც შეეხება ვიდეოჩანაწერებს, როგორც ანა ნასრაშვილმა აღნიშნა, დაცვის მხარეს ჯერ რაიმე სახის ვიდეოჩანაწერი არ გადაცემია და შესაბამისად, მათთვის უცნობია აღნიშნული ვიდეოების შინაარსი.

ხათუნა ბურკაძე - გლობალური გამოწვევები გლობალურ ძალისხმევას მოითხოვს, თუმცა, სახელმწიფოებმა უფრო მეტი წინდახედულება უნდა გამოიჩინონ საკუთარი რესურსების  შესაქმნელად
ქართული პრესის მიმოხილვა 30.03.2020
ვალერი სოლოვეი - თუ დაავადებულთა აბსოლუტურ ციფრებს გავითვალისწინებთ, რუსეთი ევროპაში იტალიისა და ესპანეთის შემდეგ მესამე ადგილზეა
BTU-ს ახალი ამერიკული პარტნიორი StrategEast ქვეყანაში ტექნოლოგიური ჰაბის განვითარების პროცესში ერთვება
სილქნეტის მობილური აბონენტები საქართველოს ბანკის მობილბანკით სარგებლობას ინტერნეტის გახარჯვის გარეშე შეძლებენ
კომპანია “გრინჰილი“ უერთდება COVID-19-ის წინააღმდეგ ბრძოლის კამპანიას და ამ მიზნით სახელმწიფო ფონდში 100,000 ლარი ჩარიცხა
უკონკურენტო საბანკო მოდელი "პროკრედიტ ბანკისგან", ვიდეო იდენტიფიკაცია, ფილიალის ალტერნატივად
კომპანია „თბილღვინომ“ StopCov ფონდში 50 000 ლარი გადარიცხა
31 მარტიდან Wolt-ით შეკვეთის განთავსება 09:00-19:30 საათებში იქნება შესაძლებელი