სოზარ სუბარი - მოხდა საფრთხის თავიდან აცილება და განეიტრალდნენ ის ადამიანები, რომლებიც ტერორისტულ აქტებს გეგმავდნენ

საფრთხე იქნა თავიდან აცილებული და განეიტრალდნენ ის ადამიანები, რომლებიც ტერორისტულ აქტებს გეგმავდნენ, - ამის შესახებ ჟურნალისტებს პანკისსა და თბილისში ბოლო პერიოდში ჩატარებული სპეცოპერაციების შეფასებისას, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა განუცხადა.

მისი თქმით, საფრთხის თავიდან აცილება სპეცსამსახურების გამართულმა მუშაობამ განაპირობა.

„ტერორიზმი თანამედროვე მსოფლიოს ყველაზე დიდი გამოწვევაა და ყველაზე დიდი საფრთზე, რომელიც ემუქრება ნებისმიერ მოქალაქეს მსოფლიოს ნებისმიერ ქვეყანაში. ძალიან მნიშვნელოვანია, რომ სპეცოპერაციები ჩატარდა ისე, რომ არ მოხდა იმ გეგმების განხორციელება, რაც ჰქონდათ სავარაუდო ტერორისტებს. საფრთხე იქნა თავიდან აცილებული და განეიტრალდნენ ის ადამიანები, რომლებიც ამ ტერორისტულ აქტებს გეგმავდნენ. ეს მოხერხდა სპეცსამსახურების ძალიან გამართული მუშაობით“, - განაცხადა სუბარმა.

ლადო პაპავა - საქართველოში სტაბილურად არასტაბილური ვითარება მხოლოდ რუსეთის ინტერესებშია
ქართული პრესის მიმოხილვა 24.02.2020
ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში