ხელისუფლებაში სისხლისღვრით მოსულმა პირებმა საკუთარ ქმედებებზე პასუხი უნდა აგონ, - ამის შესახებ უკრაინის პარლამენტის წევრმა, ნადეჟდა სავჩენკომ განაცხადა.

„ვნახოთ, როგორ განვითარდება უკრაინის გზა. თუ რევოლუცია რევანშს აიღებს, ისინი, ვინც ხელისუფლებაში სისხლისღვრით მოვიდა, საკუთარი სისხლით გადაიხდიან საფასურს. იმედია, ასე იქნება, იმიტომ რომ ეს სამართლიანი იქნებოდა“, - განაცხადა მან.

დეპუტატის თქმით, ყველამ, ვინც ხელისუფლებაში იყო, საკუთარ ქმედებებზე პასუხი უნდა აგოს, წინააღმდეგ შემთხვევაში ისინი, ვინც მათ შეცვლის, თავს დაუსჯელებად იგრძნობენ.