განათლებისა და მეცნიერების მინისტრი მიხეილ ჩხენკელი ისტორიკოს მარიკა ლორთქიფანიძის გარდაცვალების გამო მწუხარებას გამოთქვამს.
„ძალზე დამწყვიტა გული ცნობამ თვალსაჩინო მეცნიერისა და პედაგოგის, ქალბატონი მარიკა ლორთქიფანიძის გარდაცვალების შესახებ. ეს არის დიდი დანაკლისი არა მხოლოდ ოჯახისათვის, არამედ სამეცნიერო წრეებისათვის, უნივერსიტეტისათვის, რომელსაც ცხოვრების უდიდესი ნაწილი მიუძღვნა, მთლიანად ჩვენი საზოგადოებისთვის. ამ მძიმე წუთებში გულწრფელ სამძიმარსა და თანადგომას ვუცხადებ ქალბატონი მარიკას ოჯახსა და ახლობლებს“, - ნათქვამია მიხეილ ჩხენკელის სამძიმრის განცხადებაში.
მარიკა ლორთქიფანიძე 95 წლის ასაკში გარდაიცვალა.