გურჯაანის მუნიციპალიტეტში 24 წლის ახალგაზრდას თვეზე მეტია ეძებენ. სოფელ ვაზისუბანში მცხოვრები გიორგი დარჩიაშვილი სახლიდან 26 ნოემბერს გავიდა, რის შემდეგაც ის არავის უნახავს. ოჯახის ინფორმაციით, ისინი ფიქრობდნენ, რომ ახალგაზრდა თავდაპირველად მარტყოფის მამათა მონასტერში წავიდა, თუმცა მოგვიანებით გაირკვა, რომ იქ არ იყო.
მათივე თქმით, დარჩიაშვილს ჯანმრთელობის პრობლემა აქვს, რის გამოც ოჯახი არ გამორიცხავს, რომ ის უკან დაბრუნებას ვერ ახერხებს. გიორგი დარჩიაშვილის ოჯახი დახმარებას ითხოვს. საქმეში ჩართულია პოლიცია და მიმდინარეობს აქტიური სამძებრო სამუშაოები.