აშშ-ის პრეზიდენტის დონალდ ტრამპის ადმინისტრაცია ჩრდილოეთ კორეაზე ზეწოლის განხორციელებას განაგრძობს იქამდე, ვიდრე ფხენიანი ბირთვულ ამბიციებზე უარს არ იტყვის, - ამის შესახებ აშშ-ის ვიცე პრეზიდენტმა მაიკ პენსმა განაცხადა.

„ჩვენ ჩრდილოეთ კორეასთან მიმართებაში საკუთარი პოზიციის შერბილებას არ ვაპირებთ, ვიდრე ისინი საკუთარი ბირთვული და სარაკეტო პროგრამის განხორციელებას არ შეწყვეტენ.

ტრამპმა ფხენიანზე უპრეცედენტო ეკონომიკური და დიპლომატიური ზეწოლა მოახდინა და ის რომ, კიმ ჩენ ინი სეულთან მოლაპარაკებების განახლებას დათანხმდა, ამ ზეწოლის პირდაპირი შედეგია, - აღნიშნა აშშ-ის ვიცე პრეზიდენტმა.