რუსთავის საქალაქო სასამართლომ პოლიციის მუშაკის მიმართ წინააღმდეგობის გაწევის ფაქტზე ბრალდებულის მიმართ გამამართლებელი განაჩენი გამოიტანა

რუსთავის საქალაქო სასამართლომ პოლიციის მუშაკის მიმართ წინააღმდეგობის გაწევის ფაქტზე ბრალდებულ ი.მ.-ს მიმართ გამამართლებელი განაჩენი დაადგინა. როგორც რუსთავის საქალაქო სასამართლოს განცხადებაშია აღნიშნული, სასამართლომ ბრალდებული უდანაშაულოდ სცნო საქართველოს სისხლის სამართლის კოდექსის 353-ე მუხლის მე-2 ნაწილით წარდგენილ ბრალდებაში. კერძოდ, მას ბრალად ედებოდა, წინასწარი შეთანხმებით, ჯგუფის მიერ, პოლიციის მუშაკის საქმიანობის შეწყვეტის ან შეცვლის მიზნით, ძალადობით წინააღმდეგობის გაწევა და საზოგადოებრივი წესრიგის დაცვისათვის ხელის შეშლა.

სასამართლომ მოწმეთა ჩვენებები და მხარეთა ახსნა-განმარტებანი მოისმინა, გაეცნო საქმეში წარმოდგენილ მასალებს. მოსამართლემ სხდომაზე გამოკვლეულ მტკიცებულებათა ერთობლიობით მიიჩნია, რომ ბრალდების მხარემ ვერ წარადგინა უტყუარ მტკიცებულებათა ერთობლიობა პირის დამნაშავედ ცნობისათვის, შესაბამისად, სასამართლომ მტკიცებულებათა შეფასების დროს წარმოშობილი ეჭვი, რომელიც არ დადასტურდა კანონით დადგენილი წესით, ბრალდებულების სასარგებლოდ გადაწყვიტა.

სასამართლოს გადაწყვეტილება შეიძლება გასაჩივრდეს თბილისის სააპელაციო სასამართლოს სისხლის სამართლის საქმეთა პალატაში, განაჩენის გამოცხადებიდან ერთი თვის ვადაში, რუსთავის საქალაქო სასამართლოს სისხლის სამართლის საქმეთა კოლეგიის მეშვეობით.

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა