პროკურორი უარყოფს ინფორმაციას, თითქოს ხორავას ქუჩაზე მომხდარ საქმეში ორ დანაზე მეტი ფიგურირებს

დაცვის მიერ გავრცელებული ინფორმაცია, თითქოს საქმეში არსებული სასამართლო ექსპერტიზის დასკვნაში დაფიქსირებული დაზიანებები არ გამომდინარეობს საქმის მასალებიდან, არასწორი ინფორმაციაა, - ამის შესახებ ხორავას ქუჩაზე მოზარდების მკვლელობის საქმის პროკურორმა ზვიად ფხაკაძემ ჟურნალისტებთან საუბრისას განაცხადა.

მისი თქმით, აღნიშნულ საქმეში გარდაცვლილთა სხეულებზე არსებული დაზიანებები და საქმეში არსებული მტკიცებულებები თანხვედრაშია.

პროკურორი ასევე გამოეხმაურა ინფორმაციას, რომლის თანახმადაც ხორავას ქუჩაზე მომხდარ საქმეში ორ დანაზე მეტი ფიგურირებს. „ვრცელდება ინფორმაცია, თითქოს საქმეში ორზე მეტი დანა ფიგურირებს. ეს არასწორია. ის, რომ საქმეში ორი დანაა, დასტურდება არა მხოლოდ ჩვენებებით, არამედ სხვა მტკიცებულებებითაც“, - განაცხადა ზვიად ფხაკაძემ.