უკრაინა და აშშ კიევისთვის Javelin-ის ტიპის ტანკსაწინააღმდეგო სარაკეტო კომპლექსების გადაცემის საკითხზე მუშაობენ, მაგრამ ამისთვის დროა საჭირო, - ამის შესახებ „რადიო თავისუფლებასთან“ ინტერვიუში უკრაინის საკითხებში აშშ-ს სპეციალურმა წარმომადგენელმა კურტ ვოლკერმა განაცხადა.

„ეს თავდაცვითი ტექნიკაა. ის სასარგებლოა მაშინ, როდესაც ტანკები გიტევენ. ასეთ შემთხვევაში ტანკების ნეიტრალიზება შეიძლება. ამიტომ ეს ყველაზე თავდაცვითი შეიარაღებაა, ის არ გამოიყენება თავდასხმისთვის. ვფიქრობ, უკრაინა ეთანხმება ამ პოზიციას“, - განაცხადა აშშ-ს სპეციალურმა წარმომადგენელმა.