ნათია მეზვრიშვილი - ძალიან მკაფიოდ გამოვხატეთ პოზიცია, რომ “ჩადება“ ჩვენთვის მიუღებელია და არ ვაპირებთ დანაშაულის წინააღმდეგ ამ მეთოდით ბრძოლას

მესიჯით “არა ჩადებას“ გვქონდა ერთადერთი მიზანი: ცალსახად დაგვეფიქსირებინა პოზიცია, როგორ და რა პრინციპებით ვაპირებთ მუშაობას, ეს იყო ამ აქციასთან ჩვენი მიერთების მიზანი, - ამის შესახებ შინაგან საქმეთა მინისტრის მოადგილემ ნათია მეზვრიშვილმა რადიო “პალიტრის“ გადაცემა “რეზიუმეში“ განაცხადა.

“შს სამინისტრო უერთდება აქციას “არა ჩადებას“. ამით ძალიან ცალსახად, ერთმნიშვნელოვნად დავაფიქსირეთ ჩვენი პოზიცია, რომ პირველ რიგში, არა ჩადებას! მეორე, ჩადება არის შეურაცხყოფა ჩვენი პროფესიონალიზმის, ღირსების, კეთილსინდისიერების და იმ პრინციპების, რომლითაც მუშაობის გაგრძელებას ვაპირებთ. ძალიან მკაფიოდ გამოვხატეთ ჩვენი პოზიცია, რომ ეს არის ჩვენთვის მიუღებელი და არ ვაპირებთ ამ მეთოდით დანაშაულის წინააღმდეგ ბრძოლას“, - განაცხადა ნათია მეზვრიშვილმა.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს