უმრავლესობის თითოეული წევრი მიესალმება პოლიტიკურ პროცესებში ბიძინა ივანიშვილის გამოჩენას, - ამის შესახებ პარლამენტის თავმჯდომარემ ირაკლი კობახიძემ ჟურნალისტებთან საუბრისას განაცხადა.

კითხვაზე, რამდენად მოსალოდნელია, უმრავლეობის უახლოესი სხდომა, სადაც განხილვის მთავარი თემა გუნდში წარმოქმნილი დაპირისპირება იქნება, ბიძინა ივანიშვილის მონაწილეობით გაიმართოს, კობახიძემ განაცხადა, რომ ეს თავად მასზეა დამოკიდებული.

“ის არის “ქართული ოცნების“ დამფუძნებელი. დარწმუნებული ვარ, რომ უმრავლესობის თითოეული წევრი მიესალმება პოლიტიკურ პროცესებში მის გამოჩენას. ბიძინა ივანიშვილის გადაწყვეტილებაა პოლიტიკური პროცესებიდან დისტანცირება და საპირისპირო გადაწყვეტილებასაც ის მიიღებს. დარწმუნებული ვარ, ამას მთელი პარტიის მხრიდან უპირობო მხარდაჭერა ექნება“, - განაცხადა ირაკლი კობახიძემ.