თბილისში, 24-ე საჯარო სკოლის დირექტორთან სამართალდამცველები იმყოფებიან. საქმე ეხება სკოლის მოსწავლეებსა და მოქალაქეს შირის მომხდარ ფიზიკურ დაპირისპირებას.

როგორც „ინტერპრესნიუსს“ სკოლის დარაჯმა განუცხადა, 24-ე სკოლის დირექტორ გიორგი კაკაბაძესთან სამართალდამცველები მომხდარის გასარკვევად იმყოფებიან.

თვითმხილველების ინფორმაციით, დაახლოებით ერთი საათის წინ სკოლის მიმდებარე ტერიტორიაზე ფიზიკური დაპირისპირება მოხდა, თუმცა სიტუაცია სამართალდამცველების მოსვლის შემდეგ მალევე განიმუხტა.

როგორც "ინტერპრესნიუსს" შს სამინისტროს პრესსამსახურში განუცხადეს, მომხდართან დაკავშირებით გამოძიება სისხლის სამართლის კოდექსის 126-ე მუხლით მიმდინარეობს, რაც ძალადობას გულისხმობს.