ზვიად ძიძიგური - მინდა ვკითხო პრეზიდენტს, რატომ შეიწყალა 55 ნარკორეალიზატორი

მინდა ვკითხო პრეზიდენტს, რატომ შეიწყალა 55 ნარკორეალიზატორი? - აღნიშნული კითხვა პრეზიდენტის მისამართით პარლამენტის ტრიბუნიდან ვიცე-სპიკერმა ზვიად ძიძიგურმა დასვა.

მან ხაზგასმით განაცხადა, რომ მთელს მსოფლიოში მიღებულია, რომ “ადამიანის სიკვდილით მოვაჭრეების“ მიმართ ძალიან მკაცრი კანონმდებლობა მოქმედებს.

“პატიმართა შეწყალება არის პრეზიდენტის უფლება და ვისთან მიმართებითაც უნდა, ამ უფლებას გამოიყენებს. ამ მიმართულებით სამართლებრივ დავას არავითარი აზრი არა აქვს. მე მხოლოდ ერთი რამ მინდა ვიკითხო, რატომ ხდება, რომ ბოლო ოთხი წლის განმავლობაში პრეზიდენტმა 55 ნარკორეალიზატორი შეიწყალა? მაინტერესებს პრეზიდენტისგან ამ კითხვაზე პასუხი. ეს რომ ერთი ან ორი შემთხვევა ყოფილიყო, ამას გავიგებდი, მაგრამ 55 ასეთი შემთხვევა კანონზომიერებას ნიშნავს. იმედი მაქვს, პრეზიდენტი პასუხს გასცემს კითხვას, რატომ მიიღო მან ასეთი გადაწყვეტილება“, - განაცხადა ზვიად ძიძიგურმა.

პარლამენტის პლენარული სხდომაზე პოლიტიკური დებატები პრეზიდენტ მარგველაშვილის მონაწილეობის გარეშე გაიმართა.

ვალერი სოლოვეი - თუ დაავადებულთა აბსოლუტურ ციფრებს გავითვალისწინებთ, რუსეთი ევროპაში იტალიისა და ესპანეთის შემდეგ მესამე ადგილზეა
BTU-ს ახალი ამერიკული პარტნიორი StrategEast ქვეყანაში ტექნოლოგიური ჰაბის განვითარების პროცესში ერთვება
ქართული პრესის მიმოხილვა 30.03.2020
ლევან ბოძაშვილი - ახლა არაორდინარული, არასტანდარტული გადაწყვეტილებების დროა
„ნიკორამ“ StopCOV ფონდის მხარდასაჭერად 100 000 ლარი გადარიცხა
„დრიმლენდ ოაზისი ჩაქვის“ დამფუძნებლების გადაწყვეტილებით, სასტუმრო სრული მომსახურების პაკეტით უსასყიდლოდ გადაეცა სახელმწიფოს საკარანტინე მიზნებისთვის, სამშობლოში დაბრუნებული მოქალაქეების განსათავსებლად