ადვოკატი პაატა შავაძე აცხადებს, რომ მთავარი პროკურორის თანამდებობაზე საკუთარ კანდიდატურას წარადგენს
ადვოკატი პაატა შავაძე მთავარი პროკურორის თანამდებობაზე საკუთარ კანდიდატურას წარადგენს. ამის შესახებ პაატა შავაძემ ჟურნალისტებთან საუბრისას განაცხადა. როგორც შავაძემ განაცხადა, მას 35-ზე მეტი არასამთავრობო ორგანიზაცია და ადვოკატი უჭერს მხარს.
პაატა შავაძის თქმით, უახლოეს პერიოდში მოსახლეობას სამართლიანობის აღდგენას ჰპირდება.
"მხარს მიჭერს 35-ზე მეტი არასამთავრობო ორგანიზაცია, ადვოკატები, საზოგადოების ცნობილი წევრები. ვფიქრობ, რომ საზოგადოების მხრიდან მაქვს საკმაოდ დიდი ნდობა. უახლოეს დღეებში მექნება ჩემი ხედვების პრეზენტაცია. არჩევის შემთხვევაში, ჩემი მთავარი მიზანია ქვეყანაში ნამდვილი სამართლიანობა დამკვიდრდეს", -განაცხადა პაატა შავაძემ.
მთავარი პროკურორი ირაკლი შოთაძე თანამდებობიდან 31 მაისს გადადგა. მანამდე მისი გადადგომის მოთხოვნით პროკურატურასთან და პარლამენტთან საპროტესტო აქციები გაიმართა.
v-if="article.gallery" v-html="article.gallery"
