საქართველოს კონკურენციის სააგენტოს თავმჯდომარე, ნოდარ ხადური ბათუმში, რიგით მე-15 საერთაშორისო კონფერენციას „საქართველოს ევროპული გზა“ ესწრება.
როგორც კონკურენციის სააგენტოს მიერ გავრცელებულ ინფორმაციაში არის ნათქვამი, ღონისძიებაზე ორი დღის განმავლობაში მსჯელობა მიმდინარეობს საქართველოს და „აღმოსავლეთ პარტნიორობის“ წევრი ქვეყნების როლზე. ასევე ევროპის, რეგიონისა და მსოფლიო მასშტაბით მიმდინარე გეოპოლიტიკურ პროცესებზე, არსებულ გამოწვევებზე, მათი გადაჭრის გზებზე, ევროკავშირსა და მის ასოცირებულ პარტნიორ ქვეყნებს შორის თანამშრომლობის ახალ ფორმებზე და ა.შ.
კონფერენციის მუშაობაში საქართველოს, ევროკავშირის და „აღმოსავლეთ პარტნიორობის“ წევრი ქვეყნების აღმასრულებელი და საკანონმდებლო ხელისუფლების წარმომადგენლები, ასევე, სამოქალაქო საზოგადოების, აკადემიური წრეების, მედიისა და ბიზნესსექტორის წარმომადგენლები მონაწილეობენ.