საქართველოს საპატრიარქოს ხვალ მსოფლიო საპატრიარქოს მაღალი რანგის მღვდელმთავრები ეწვევიან

საქართველოს საპატრიარქოს ხვალ მსოფლიო პატრიარქის წარმომადგენლები ეწვევიან. როგორც „ინტერპრესნიუსს“ პატრიარქის მდივანმა, დეკანოზმა მიქაელ ბოტკოველმა განუცხადა, დელეგაციის შემადგენლობაში მსოფლიო საპატრიარქოს ორი მაღალი რანგის მიტროპოლიტია. სრულიად საქართველოს კათოლიკოს–პატრიარქი, უწმინდესი და უნეტარესი ილია მეორე მათ ხვალ საპატრიარქოში მიიღებს.

„მსოფლიო საპატრიარქოს მღვდელმთავრები უწმინდეს მსოფლიო პატრიარქის პოზიციას გააცნობენ, რაც დაკავშირებულია უკრაინაში მიმდინარე საეკლესიო პრობლემებთან დაკავშირებით“, – განაცხადა მამა მიქაელმა.

დეკანოზის თქმით, მსოფლიო საპატრიარქოს მღვდელმთავრები ასევე 17 ივნისს, უწმინდესის საკვირაო წირვაში მიიღებენ მონაწილეობას. ისინი საქართველოს 18 ივნისს დატოვებენ.

შეგახსენებთ, უკრაინის ეკლესიის გარშემო ბოლო დროს განვითარებულ მოვლენებთან დაკავშირებით, 4 ივნისს საქართველოს საპატრიარქოს ერთდღიანი ვიზიტით რუსეთის ეკლესიის საგარეო ურთიერთობათა განყოფილების თავმჯდომარე, მიტროპოლიტი ილარიონ (ალფეევი), ორ თანმხლებ პირთან ერთად სტუმრობდა. საპატრიარქოს განმარტებით, სტუმრობის მიზანი იყო უკრაინის ეკლესიის გარშემო ბოლო დროს განვითარებულ მოვლენებთან მიმართებაში რუსეთის ეკლესიის პოზიციის გაცნობა.

ზაზა ფირალიშვილი - უბრალოდ, ივანიშვილს  ვერ წარმოუდგენია, რომ თავადაც ძველი ხელისუფლების მსგავსი შეცდომები მოსდის
ქართული პრესის მიმოხილვა 16.11.2019
ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ოფისი განახლებულ ჭავჭავაძეზე, ბიზნეს-ცენტრ პიქსელში
საქართველოში მინა-პაკეტის დამზადების ხარისხის კონტროლი ჩატარდა
გამოიძახე ექიმი სახლში - REDMED ინოვაცია ქართულ სამედიცინო სფეროში
#იმოგზაურევისოლთანერთად - საქართველოს დაცულ ტერიტორიებზე მედია-ტური გაიმართა