ვერც ბახტაძის მთავრობა ვერ ელევა იმ უყაირათო პროგრამებს, საიდანაც "ქართული ოცნების“ ბიუროკრატია და მათთან დაახლოებული ბიზნესები საზრდოობს, - ამის შესახებ „ევროპული საქართველოს“ წევრმა ზურაბ ჭიაბერაშვილმა პენსიის მომატების საკითხზე საუბრისას განაცხადა.
ჭიაბერაშვილის განცხადებით, აქამდეც იყო შესაძლებელი, რომ პენსია 50 ლარით გაზრდილიყო.
,,2017 წლის ბიუჯეტი, 2016 წელთან შედარებით მილიარდ ნახევრით მეტი იყო, 2018 – 2017 წლებთან შედარებით 800 - მილიონით მეტი. ბიუჯეტში ყოველწლიური ნამატი საკმარისი იყო აქამდეც, რომ პენსია 50 ლარით გაზრდილიყო. ჩვენ დღესაც ვხედავთ სრულიად საკმარის რესურსს, რომ წელსვე მოხდეს პენსიების 50- ლარიანი მატება, რაზეც მთავრობა უარს ამბობს. ვერც ბახტაძის მთავრობა ვერ ელევა იმ უყაირათო პროგრამებს, საიდანაც "ქართული ოცნების“ ბიუროკრატია და მათთან დაახლოებული ბიზნესები საზრდოობს“, - განაცხადა ზურაბ ჭიაბერაშვილმა.