დავით სერგეენკო - არსებულ მოცემულობაში 11 სამინისტრო საკმარისია

არსებულ მოცემულობაში საკმარისია 11 სამინისტრო, - ამის შესახებ ჟურნალისტებს ჯანდაცვის მინისტრის მოვალეობის შემსრულებელმა დავით სერგეენკომ განუცხადა.

მისი თქმით, მცირე მთავრობის უპირატესობა არის ის, რომ არა საკუთრივ თანამშრომლების გაშვება და ხელფასების დაზოგვა ხდება, არამედ ისეთი სისტემა უნდა შეიქმნას, როდესაც გადაწყვეტილების მიღებიდან გენერირებამდე და აღსრულებამდე გავა მინიმალური დრო.

„მცირე მთავრობის კონცეფციაზე რამდენიმე დაზუსტება მინდა გავაკეთო. ჩვენ, რა თქმა უნდა, გვქონდა ამაზე მსჯელობა პრემიერ–მინისტრობის კანდიდატთან. მცირე მთავრობა კონცეპტუალურად არის მინიმალისტური სტრუქტურა, თუმცა ამ კონკრეტულ შემთხვევაში, ჩვენს მოცემულობაში საკმარისია 11 სამინისტრო. მცირე მთავრობის მეორე უპირატესობა არის ის, რომ არა საკუთრივ თანამშრომლების გაშვება და ხელფასების დაზოგვა უნდა მოხდეს, არამედ ისეთი სისტემა შექიმნას, როდესაც გადაწყვეტილების მიღებიდან გენერირებამდე და აღსრულებამდე გავა მინიმალური დრო. ასეთი მოდელი ამის საშუალებას იძლევა, რადგან მინისტრი ხდება პასუხისმგებელი ბევრ მიმართულებაზე. გამომდინარე იქიდან, რომ სამინისტროების შემცირება გარადუვლად მოიცავს რამდენიმე სამინისტროს გაერთიანებას, რა თქმა უნდა, ეს გაერთიანება მოხდება. მე კარგად მესმის ინტერესი, რომ ახლა უნდათ იცოდნენ, რა იქნება, მაგრამ სწორ დაგეგმვას აქვს გადამწყვეტი მნიშვნელობა და ეს უნდა მოხდეს დროულად და სამი კვირა არა მხოლოდ ფორმალურ ნაწილზე არის აუცილებელი, არამედ იმპლემენტაციის გაკეთება უნდა მოხდეს. ასევე იყო მსჯელობა რამდენად სპეციფიურია სამინისტროების გაერთიანება, უნდა მოხდეს პლუსების და მინუსების შესწავლა“, - აღნიშნა დავით სერგეენკომ.

რაც შეეხება ინფორმაციას, დარჩება თუ არა იგი ახალ მთავრობაში, სერგეენკოს თქმით, ახლა ვერ ისაუბრებს, რადგან ეს არის პრემიერ–მინისტრის გასაჟღერებელი. მისი თქმით, დარჩება თუ არა მინისტრის პოსტზე, ეს მის სურვილზე არ არის დამოკიდებული. სერგეენკოს განცხადებით, მას ყოველთვის სურდა ექიმობა.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 10.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)