№51 საჯარო სკოლის სააქტო დარბაზში კლასიკური მუსიკის კონცერტი გაიმართა

სსიპ თბილისის გალაკტიონ ტაბიძის სახელობის №51 საჯარო სკოლის სააქტო დარბაზში 2017-2018 სასწავლო წლის ბოლოს, სიმფონიური ორკესტრის თანხლებით კლასიკური მუსიკის კონცერტი გაიმართა.

როგორც „ინტერპრესნიუსს“ 51-ე საჯარო სკოლიდან აცნობეს, კონცერტს დირიჟორობა გაუწია რევაზ ჯავახიშვილმა. ღონისძიება ხელოვნების კოლეჯის, “ART-51”-ის დირექტორის, ლალი მასხულიას ორგანიზებით გაიმართა. 51-ე სკოლის მოსწავლეებმა შეასრულეს ბახის, ჰენდელის, ვივალდის და ელიზბარ ლომდარიძის მუსიკალური კომპოზიციები. კონცერტს თავად დაესწრო ცნობილი ქართველი კომპოზიტორი, ელიზბარ ლომდარიძე.

კონცერტში მონაწილეობდნენ: ლუკა ტყეშელაშვილი, ათუკა გიკაშვილი, ნიკოლოზ კოკილაშვილი, ნინო შამათავა, ლიზი გოგორიშვილი, ქეთი მამულაშვილი, ნუცა ბეგაშვილი, მარიამ მუმლაძე, თამარ ოდიშელიძე.

მოსწავლეებთან სასწავლო წლის განმავლობაში მუშაობდნენ საფორტეპიანო განყოფილების პედაგოგები - თეა ყიფშიძე, ნანა მესხი და ჩარიტა ფირიაშვილი.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა