მმართველ პარტიაში სახელმწიფო მდივნის თანამდებობის შემოღების საკითხზე მსჯელობენ

მმართველ პარტიაში სახელმწიფო მდივნის თანამდებობის შემოღების საკითხზე მსჯელობენ. „ქართული ოცნების“ ოფისში შეხვედრის დაწყებამდე დეპუტატებმა აღნიშნეს, რომ ჯერჯერობით აღნიშნულთან დაკავშირებით საბოლოო პოზიციები შეჯერებული არ არის, თუმცა, თუ სახელმწიფო მდივანი დამტკიცდება, ეს იქნება არა პოლიტიკური თანამდებობა, არამედ კონკრეტული დარგის მენეჯერი.

დეპუტატები აღნიშნავენ, რომ სახელმწიფო მდივანი, პოლიტიკური ცვლილებების მიუხედავად, კონკრეტული დარგის წამყვან–მენჯერად დარჩება. მათივე განცხადებით, სახელმწიფო მდივანი რამდენიმე მიმართულების მიხედვით იქნება, თუმცა კონკრეტულად რა მიმართულებებს ეყოლება სახელმწიფო მდივანი, ეს არ გაჟღერებულა.

ასევე უმრავლესობაში ჯერჯერობით არ არიან შეთანხმებული, თუ როგორ მოხდება სახელმწიფო მდივნის პოსტის დაკავება – ეს იქნება არჩევით, თუ დანიშვნით. სავარაუდოდ, აღნიშნულთან დაკავშირებით მმართველ პარტიაში მიმდინარე შეხვედრის დასრულების შემდეგ გახდება ცნობილი, სადაც „ქართული ოცნების“ დეპუტაცია, მათ შორის პრემიერ–მინისტრი დაგეგმილ სტრუქტურულ და საკადრო ცვლილებებზე მსჯელობენ.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 22.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს