ფრანგმა ყასბებმა საფრანგეთის მთავრობას „აგრესიული ვეგეტარიანელებისგან დაცვის“ თხოვნით მიმართეს

ფრანგმა ყასბებმა საფრანგეთის მთავრობას „აგრესიული ვეგეტარიანელებისგან დაცვის“ თხოვნით მიმართეს. ამის შესახებ ინფორმაციას BBC ავრცელებს.

საფრანგეთის ყასბების ფედერაციის წერილში აღნიშნულია, რომ ვეგეტარიანელები ქვეყანაში ხორცის მირთმევის ტრადიციულ კულტურას საფრთხეს უქმნიან.

კერძოდ, ბოლო რამდენიმე თვის განმავლობაში ვეგეტარიანელებმა ხორცის 15 მაღაზიას დაუშინეს ქვები და ხელოვნური სისხლით მორწყეს მაღაზიის შესასვლელები.

საფრანგეთის ყასბების ფედერაციის პრეზიდენტის ჟან-ფრანსუა გიარის თქმით, ამგვარი თავდასხმები ტერორიზმის ფორმას წარმოადგენს.

„ეს ხალხი ტერორის დათესვას ცდილობს. თავისი ქმედებებით ისინი ცდილობენ უამრავ ადამიანს თავზე მოახვიონ თავინთი ცხოვრების წესი და იდეოლოგია“, - განაცხადა მან.

აღსანიშნავია, რომ 2016 წლის გამოკითხვის შედეგების თანახმად, საფრანგეთის გამოკითხული მოსახლეობის მხოლოდ 3% მიიჩნევს თავს ვეგეტარიანელად.

ალექსანდრე თვალჭრელიძე - საქართველოსთვის ნატოსთან ინტეგრაციის ლოდინი იქამდე, ვიდრე საქართველო გამთლიანდება, ჩვენი სასიცოცხლო ინტერესების ღალატია
ქართული პრესის მიმოხილვა 17.09.2019
საქართველოს საგარეო პოლიტიკა - ნაბიჯები მომავლისკენ
საქართველოს მოქალაქეები შეძლებენ უფასოდ გაიარონ კონსულტაცია უცხოელ ექიმებთან