27-29 ივნისს, მაკედონიის დედაქალაქ სკოპიეში, ნატო-ს საპარლამენტო ასამბლეის „როუზ-როსის“ რიგით 98-ე სემინარი მიმდინარეობს, რომელსაც პარლამენტის მუდმივმოქმედი დელეგაციის ხელმძღვანელი, ირაკლი სესიაშვილი ესწრება.
როგორც “ინტერპრესნიუსს“ პარლამენტის პრესსამსახურიდან აცნობეს, აღნიშნულ ღონისძიებაში ფარგლებში მაკედონიის ევროატლანტიკურ ინსტიტუტებში ინტეგრაციის პროცესები და ბალკანეთში არსებული უსაფრთხოების გამოწვევები განიხილება.
მათივე ცნობით, საერთაშორისო სემინარის მონაწილეები ქვეყანაში მიმდინარე გამოწვევებთან ერთად, იმ დემოკრატიული რეფორმების მიმდინარეობას ეცნობიან, რომელიც ქვეყნის მნიშვნელოვანი პროგრესის მიღწევას უზრუნველყოფს.
“მაკედონიის გაწევრიანება ევროატლანტიკურ ინსტიტუტებში არის ქვეყნის პრიორიტეტი, რომელიც ხელს შეუწყობს ბალკანეთს არსებული პრობლემების მოგვარებაში“, - აღნიშნა მაკედონიის პარლამენტის თავმჯდომარემ, ტალაც ცაფერიმ სემინარის გახსნისას.