მამუკა ბახტაძე - ჩვენ განათლება და ახალგაზრდული ეკონომიკა მთავრობის მთავარ პრიორიტეტად გამოვაცხადეთ

ჩვენ განათლება და ახალგაზრდული ეკონომიკა მთავრობის მთავარ პრიორიტეტად გამოვაცხადეთ. ვცდილობ, სტატისტიკა არ მოვიყვანო ხოლმე ამასთან დაკავშირებით, ვიცით ისედაც, რომ ამ კუთხით საკმაოდ მძიმე მდგომარეობაა, - ამ სიტყვებით მიმართა საქართველოს პრემიერ-მინისტრმა მამუკა ბახტაძემ ახალგაზრდებს, რომელთაც დღეს ზუგდიდის ბოტანიკურ ბაღში შეხვდა.

როგორც ბახტაძემ აღნიშნა, რაც ჩვენი განათლების სისტემაში ხდება და ზოგადად ის, რაც მთლიან ეკონომიკაზე აისახება, ეს ყველაფერი ძალიან რთული მოცემულობაა და „აქ ჩვენ გვჭირდება ძალიან პრინციპული და რადიკალური ნაბიჯები“.

მთავრობის მეთაურის თქმით, განათლება უნდა გახდეს ჩვენი ეკონომიკის მთავარი, დომინანტი სექტორი, რისთვისაც ძალიან მნიშვნელოვანი ნაბიჯები უნდა გადაიდგას.

„საზღვარგარეთაც უნდა წავიდეთ, რაც შეიძლება მეტი გამოცდილება მივიღოთ, მაგრამ გარემო ისეთი უნდა იყოს საქართველოში, რომ ყველას გვქონდეს განცდა - ჩვენ შეგვიძლია ჩვენი თავის თვითრეალიზაცია მოვახდინოთ აქ. ახალგაზრდული ეკონომიკა ნიშნავს ინოვაციებს, ენერგიას, იმას, რომ არ შევეგუოთ რაღაც არსებულ სტატუს კვოს, რომელიც შესაძლოა რაღაც ჭაობისმაგვარ სიტუაციას გვაგონებდეს. ახალგაზრდული ეკონომიკა ნიშნავს ერთსულოვნებას, იმას, რომ ორიენტირებულნი ვიყოთ პროგრესზე, იმაზე, რომ ის ფასეულობები რაც წინაპრებისგან გვაქვს, შევინარჩუნოთ და გადავცეთ ახალ თაობას, განვავითაროთ“, - მიმართა პრემიერ-მინისტრმა ახალგაზრდებს.

პრემიერის კომენტარს მთავრობის ადმინისტრაციის პრესსამსახური ავრცელებს.

ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
ქართული პრესის მიმოხილვა 21.02.2020
ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა
„ტერაბანკმა“ იურიდიული პირებისთვის მობაილბანკი შექმნა