თბილისის მერის კახა კალაძის განცხადებით, თბილისში ახალი ავტობუსების შემოყვანაზე დედაქალაქის მერია დაახლოებით 10 დღეში ახალ ტენდერს გამოაცხადებს.
როგორც კალაძემ “ინტერპრესნიუსის” შეკითხვის საპასუხოდ განაცხადა, თბილისის სატრანსპორტო კომპანიის მიერ გამოცხადებულ ტენდერში მონაწილე კომპანია - „თეგეტა თრაქ ენდ ბასი“ სატენდერო პირობებისთვის საჭირო დოკუმენტების არქონის გამო დისკვალიფიცირდა.
“რამდენიმე დღეში ახალ ტენდერს გამოვაცხადებთ, ვინაიდან ტენდერში მონაწილე კომპანიამ საჭირო დოკუმენტაცია ვერ წარმოადგინა. ჩვენ ვერ მივცემდით თავს უფლებას პროექტი გარკვეული ხარვეზით მიგვეღო”, - განუცხადა ჟურნალისტებს დედაქალაქის მერმა.
როგორც ცნობილია, თბილისისთვის ახალი ავტობუსების შეძენა გუშინ ისევ გადავადდა. თბილისის სატრანსპორტო კომპანიის მიერ გამოცხადებულ ტენდერში მონაწილე ერთადერთი კომპანია - "თეგეტა თრაქ ენდ ბასი" დისკვალიფიცირდა.