ანაკლიის აკვაპარკში სოციალურად დაუცველი ბავშვები დაისვენებენ
სამეგრელო-ზემო სვანეთის გუბერნატორის ინიციატივითა და ეკონომიკის სამინისტროს ხელშეწყობით, 1-ელ ივლისს ანაკლიის აკვაპარკში, სოციალურად დაუცველი ბავშვები დაისვენებენ.
როგორც „ინტერპრესნიუსს“ ზუგდიდის მერიიდან აცნობეს, აკვაპარკი მოზარდებს რეგიონის ყველა მუნიციპალიტეტიდან უმასპინძლებს. მთელი დღის განმავლობაში სოციალურად დაუცველი ბავშვებისთვის სხვადასხვა მუსიკალური და გასართობი ღონისძიებები ჩატარდება.
300-ზე მეტ სოციალურად დაუცველ ბავშვს გამაგრილებელი სასმელებით ,,კოკა-კოლა”, ხოლო ნაყინით „გურჯაანის ნაყინი“ უზრუნველყოფს.
მსგავსი აქციების ჩატარებას გუბერნატორის ადმინისტრაცია და განმუხურის აკვაპარკი სეზონის განმავლობაში გეგმავენ.
