პარლამენტის საგაზაფხულო სესია დასრულდა

პარლამენტის საგაზაფხულო სესია დასრულდა. პლენარული სხდომის ბოლოს სახელმწიფო ჰიმნი შესრულდა, რითაც საგაზაფხულო სესია დაიხურა.

რეგლამენტის გათვალისწინებით, საგაზაფხულო სესია ივნისის ბოლო პარასკევს სრულდება, თუმცა დეპუტატები ივლისში, რიგგარეშე სხდომებზე შეიკრიბებიან. რიგგარეშე სესიაზე განხილვის მთავარი თემა მთავრობაში დაგეგმილი სტრუქტურული რეორგანიზაცია და მასთან დაკავშირებული საკანონმდებლო ცვლილებები იქნება.

მთავრობის სტრუქტურულ რეორგანიზაციაზე გადაწყვეტილების მიღების შემდეგ, დაგეგმილია საკადრო ცვლილებები, რაც კიდევ ერთხელ გამოიწვევს პარლამენტის მიერ მთავრობისათვის ნდობის გამოცხადების საჭიროებას.