დავით ზალკალიანი გერმანიის ანალიტიკურ და კვლევით ცენტრებში შეხვედრებს მართავს

საქართველოს საგარეო საქმეთა მინისტრი დავით ზალკალიანი გერმანიაში ვიზიტის ფარგლებში გერმანიის ანალიტიკურ და კვლევით ცენტრებში შეხვედრებს მართავს.

საგარეო საქმეთა სამინისტროს პრესსამსახურის ინფორმაციით, ფრიდრიხ ებერტის პოლიტიკურ ფონდში სიტყვით გამოსვლის შემდეგ დავით ზალკალიანმა შეხვედრები გამართა კოერბერის კვლევითი ცენტრისა და მეცნიერებისა და პოლიტიკის ცენტრის წარმომადგენლებთან.

უწყების პრესსამსახურის ინფორმაციით, საქართველოს საგარეო უწყების ხელძღვანელის განცხადებით მნიშვნელოვანია, რომ საქართველოს ასევე ჰქონდეს გერმანიის ანალიტიკური ცენტრების მხარდაჭერა, რომლებიც დიდ გავლენას ახდენენ შემდგომ გერმანიის მთავრობის პოზიციის ფორმირებაშიც მთელ რიგ საკითხებთან დაკავშირებით.

„ეს არის წამყვანი ანალიტიკური ცენტრები, რომლებიც მნიშვნელოვან როლს თამაშობენ გერმანიის მთავრობის გადაწყვეტილების მიღების პროცესში. ბუნებრივია გამოვიყენეთ შესაძლებლობა, რომ ექსპერტებისთვის მოგვეთხრო იმის შესახებ თუ რა მდგომარეობაა შექმნილი საქართველოს ოკუპირებულ რეგიონებში. ასევე ვისაუბრეთ იმ გამოწვევებზე, რომელიც გვაქვს რეგიონში და რეგიონს მიღმა. საუბარი იყო ასევე საგარეო პოლიტიკურ პრიორიტეტებზე, აღსანიშნავია, რომ ჩვენ გვაქვს მათი მხრიდან აბსოლუტური გაგება, სოლიდარობა იმასთან დაკავშირებით, რომ ნაბიჯები, რომელსაც ჩვენ ვდგამთ კონფლიქტის მშვიდობიან დარეგულირებასთან დაკავშირებით არის უალტერნატივო და რომ ამაში ჩვენ გვჭირდება ჩვენი ევროპელი პარტნიორების განსაკუთრებული მხარდაჭერა. საუბარი იყო იმაზე, რომ ეს საკითხები რომელიც აქტუალურია ჩვენთვის იყოს ასევე აქტუალური მათი დღის წესრიგისთვის“ - განაცხადა დავით ზალკალიანმა. მისი თქმით გერმანული ცენტრების მხრიდან გამოიხატა მზაობა მომავალში განაგრძონ თანამშრომლობა საქართველოს საკითხების აქტუალიზაციის მიმართულებით.

ლევან დოლიძე - სირიაში მოვლენების განვითარება დამოკიდებულია იქნება იმაზე, რამდენად კოორდინირებულად იმოქმედებს ნატო, აშშ და თურქეთი, თუმცა, საქართველოში სირიიდან მიგრანტების დიდ ნაკადს არ ველი
ქართული პრესის მიმოხილვა 29.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
კორონავირუსის გავლენა ეკონომიკაზე  -  1.1 ტრილიონიანი დანაკარგი
ყველა ბიზნეს პროცესის ავტომატიზაცია - Nova-სა და BDO-ს პარტნიორობა
აღნიშნეთ დედის დღე სასტუმრო „ქორთიარდ მარიოტში“ (R)