5 ივლისიდან 31 ივლისის ჩათვლით, სამედიცინო კორპორაცია „ევექსის“ ქსელში არსებული პოლიკლინიკები პაციენტებს გულის სრულ გამოკვლევას 56 ლარად სთავაზობს.
როგორც „ინტერპრესნიუსს“ კლინიკა „ევექსიდან“ აცნობეს, აქციის ფარგლებში პაციენტებს 167 ლარის ნაცვლად 56 ლარად შეეძლებათ ჩაიტარონ: კარდიოლოგის კონსულტაცია, ლიპიდების განსაზღვრა სისხლის შრატში, გულის ულტრასონოგრაფია და გულის ელექტროკარდიოგრაფია.
მათი ინფორმაციით, პაციენტს აქციით სარგებლობა კარდიოლოგიური პაკეტის შეძენიდან 1 თვის განმავლობაში შეუძლია და მასში შემავალი მომსახურებების მიღება შესაძლებელია ერთჯერადად.
„კარდიოლოგიური პაკეტით სარგებლობა შესაძლებელია ევექსის შემდეგ პოლიკლინიკებში: საბურთალოს პოლიკლინიკა - ვაჟა-ფშაველას გამზ. #40, დიდუბის პოლიკლინიკა - აკაკი წერეთლის გამზირი #141ა, ვარკეთილის პოლიკლინიკა - ჯავახეთის ქ. #30, გლდანის პოლიკლინიკა - გლდანის I მკ/რ კარტოგრაფიული ფაბრიკის მიმდებარედ, ისნის პოლიკლინიკა - ქეთევან წამებულის #69, მთაწმინდის პოლიკლინიკა - ვეკუას ქ. #3, დიდი დიღმის პოლიკლინიკა - პეტრიწის #16, მარნეულის პოლიკლინიკა - შ.რუსთაველის ქ. #53, ბათუმის პოლიკლინიკა - ბათუმი, სელიმ ხიმშიაშვილის #20, ზუგდიდის პოლიკლინიკა - მ.კოსტავას #1,“ - ნათქვამია ინფორმაციაში.