დავით გაბაიძე - შევეცდებით პრეზიდენტს დავუსაბუთოთ, რატომ მივიღეთ აჭარის მთავრობის თავმჯდომარედ თორნიკე რიჟვაძის კანდიდატურის დასახელების გადაწყვეტილება
შევეცდებით პრეზიდენტს დავუსაბუთოთ, რატომ მივიღეთ აჭარის მთავრობის თავმჯდომარეობაზე თორნიკე რიჟვაძის კანდიდატურის დასახელების გადაწყვეტილება, - ამის შესახებ აჭარის უმაღლესი საბჭოს თავმჯდომარემ დავით გაბაიძემ ჟურნალისტებს განუცხადა. როგორც მან განმარტა, აჭარის მთავრობის თავმჯდომარეობის კანდიდატთან დაკავშირებით, დღეს საქართველოს პრეზიდენტთან გიორგი მარგველაშვილთან უმაღლესი საბჭოს პოლიტიკური სუბიექტები კონსულტაციებს დაიწყებენ. დავით გაბაიძის ინფორმაციით, თორნიკე რიჟვაძე განათლებითა და გამოცდილებით მთავრობის თავმჯდომარეობის შემთხვევაში რეგიონის გამოწვევებს უპასუხებს.
"საქართველოს პრეზიდენტი დღეს აჭარის უმაღლეს საბჭოში წარმოდგენილ პოლიტიკურ სუბიექტებთან კონსულტაციების გამართვას გეგმავს. უმრავლესობის შეთავაზება მთავრობის თავმჯდომარეობის კანდიდატთან დაკავშირებით საზოგადოებისათვის ცნობილია და ჩვენ შევეცდებით პრეზიდენტს დავუსაბუთოდ, თუ რატომ მივიღეთ ამ ტიპის გადაწყვეტილება, ანუ რატომ გვსურს უმრავლესობას აჭარის მთავრობის თავმჯდომარეობაზე თორნიკე რიჟვაძის კანდიდატურა. მას აქვს კარგი სამუშაო გამოცდილება და ახალგაზრდაა. მე ვფიქრობ, რომ ახალგაზრდული უნარები და გამოცდილება არის საფუძველი იმისა, რომ უპასუხოს ყველა იმ გამოწვევას, რომელიც რეგიონს და მის მოსახლეობას აწუხებს",- განაცხადა დავით გაბაიძემ.
v-if="article.gallery" v-html="article.gallery"
