წიგნის „დავით აღმაშენებელი“ გამოცემასთან დაკავშირებით პერფორმანსი გაიმართება

თბილისში, პეკინისა და საბურთალოს ქუჩების გადაკვეთაზე არსებულ გადასასვლელზე, დღეს, დაიდგმება პერფორმანსი - ბრძოლის, ომის ინსცენირება.

როგორც „ინტერპრესნიუსს“ ორგანიზატორებმა აცნობეს, ღონისძიება 18:00 საათზე დაიწყება და ერთი საათის განმავლობაში შუქნიშანზე წითელი ფერის ანთებისას ზებრა გადასასვლელს დაიკავებენ მსახიობები, რომლებიც რამდენიმე წამის განმავლობაში მტერთან შებრძოლებას განასახიერებენ.

პერფორმანსის მიზანია, საზოგადოებას შეახსენოს მნიშვნელოვანი ისტორიული პროცესები და წიგნის „დავით აღმაშენებელი“ გამოცემა ამცნოს. წიგნი გამომცემლობა „პალიტრა L“-ის პროექტის, „ქართველი მეფეების“, ფარგლებში გამოიცემა.

წიგნის ავტორია აკადემიკოსი როინ მეტრეველი, პროექტის „ქართველი მეფეები“ ხელმძღვანელი - ისტორიკოსი ჯაბა სამუშია.

ისტორიული შინაარსის წიგნების პროექტი „ქართველი მეფეები“ 29 იანვრიდან გამოიცემა და 24 ტომს აერთიანებს. წიგნები თვეში ერთხელ გამოიცემა. მკითხველს საშუალება აქვს გაეცნოს ქართველი მეფეების თვალით დანახულ ამა თუ იმ ეპოქის საქართველოს, საშინაო და საგარეო პოლიტიკურ ვითარებას, გაიგოს მეტი მეფეების პიროვნული თვისებების, მათი ხედვისა და იმ მნიშვნელოვანი ფაქტების შესახებ, რომლებმაც საქართველოს ისტორიაში გარდამტეხი როლი შეასრულა. წიგნები დამოუკიდებლად, მხოლოდ დოკუმენტურ მასალაზე დაყრდნობით წლების განმავლობაში იწერებოდა და მასზე ცნობილი მეცნიერებისა და ისტორიკოსების გუნდი მუშაობდა.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 27.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა