პრემიერი ე.წ. „ოთხოზორია-ტატუნაშვილის სიის“ შესახებ - ეს იყო და არის ერთადერთი სწორი ნაბიჯი სახელმწიფოს მხრიდან მომავალში ჩვენი თანამოქალაქეების დასაცავად

„ეს იყო და არის ერთადერთი სწორი ნაბიჯი სახელმწიფოს მხრიდან მომავალში ჩვენი თანამოქალაქეების დასაცავად. მაგრამ, ამავდროულად ჩემი, როგორც მოქალაქის პოზიციაა, რომ ასეთი სიის გაკეთება იმ ადამიანების მიმართ, რომლებმაც მსგავსი სასტიკი დანაშაულები ჩაიდინეს, რა თქმა უნდა, მანამდეც შეიძლებოდა,“ - ამის შესახებ საქართველოს პრემიერ-მინისტრმა მამუკა ბახტაძემ პარლამენტში, უმცირესობის სხდომის მიმდინარეობისას ე.წ. „ოთხოზორია-ტატუნაშვილის სიის“ შესახებ დასმული კითხვის პასუხად განაცხადა.

მისივე თქმით, 90-იან წლებში არანაკლები ამაზრზენი დანაშაულები იყო ჩადენილი ქართველების წინააღმდეგ და რომ ყოფილიყო მსგავსი სია, შესაძლებელი იქნებოდა პრევენცია ბევრი შემდგომი დანაშაულისა.

აგრეთვე, როგორც პრემირ-მინისტრმა აღნიშნა, სამართალდამცავი ორგანოები 24-საათიან რეჟიმში მუშაობენ დანაშაულებში მონაწილე პირების გამოსავლენად და იდენტიფიცირების შემთხვევაში სია აუცილებლად გაფართოვდება.

საკითხზე საუბრისას, მთავრობის მეთაურმა ე.წ. „ოთხოზორია-ტატუნაშვილის სიაში“ გარდაცვლილი პირების არსებობის შესახებ დასმულ შეკითხვასაც უპასუხა. „სიაში, რეალურად, არიან ჯალათები შეყვანილი, ვინც ჩვენი მოქალაქეები, ქართველები დახოცა, დახვრიტა და ა.შ. თუნდაც 1%-იანი ალბათობა რომ არსებობდეს იმისა, რომ ადამიანმა ან სახელი გადაიკეთა, ან გვარი და 100%-იანი არ არის ინფორმაცია იმის შესახებ, რომ ის გარდაცვლილია, რომელი უფრო დიდი რისკია?! ჩვენ ხომ სახელმწიფო ვართ და სახელმწიფოებრივად უნდა მივუდგეთ ამ თემას,“ - განაცხადა პრემიერმა.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 27.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა