„ახლა დასრულდა გრიფირების ეტაპი, ვფიქრობ, მნიშვნელოვანი სამუშაო იქნა ჩატარებული და სექტემბრიდან ჩვენს I-VI კლასის მოსწავლეებს ექნებათ მნიშვნელოვნად გაუმჯობესებული სახელმძღვანელოები. თუმცა, აქვე შეგვიძლია ვთქვათ, რომ ჩანს ხარვეზები და დღესაც რჩება, რისი შესწავლაც მიმდინარეობს“, - ამის შესახებ საქართველოს განათლების, მეცნიერების, კულტურისა და სპორტის მინისტრმა, მიხეილ ბატიაშვილმა ჟურნალისტებს განუცხადა.

მიხეილ ბატიაშვილის განცხადებით, უახლოეს პერიოდში სამინისტრო ერთიანი სასკოლო რეფორმის ხედვას წარმოადგენს.

„საჭიროა სისტემური მიდგომების დანერგვა, დასმული საკითხების სისტემურად დამუშავება და გადაჭრა. ასეთი მიდგომებით რეფორმების გატარება ყველა მიმართულებით დაიწყება,“ - განაცხადა ბატიაშვილმა.