ავღანეთში, ბაზა „მარმალზე“ ქართულ ქვედანაყოფებს შორის უფლებამოსილების გადაბარების ცერემონიალი გაიმართა

ავღანეთში, მაზარ-ი-შარიფში, ბაზა „მარმალზე“ ქართულ ქვედანაყოფებს შორის უფლებამოსილების გადაბარების ცერემონიალი გაიმართა.

როგორც „ინტერპრესნიუსს“ თავდაცვის სამინისტროდან აცნობეს, საქართველოს შეიარაღებული ძალების IV მექანიზებული ბრიგადის ნაკრები ასეულის პირადმა შემადგენლობამ საბრძოლო დროშა II ქვეითი ბრიგადის ნაკრებ ასეულს გადააბარა. დღეიდან, II ქვეითი ბრიგადის სწრაფი რეაგირების ასეული „მტკიცე მხარდაჭერის“ მისიაში ოფიციალურად ჩაერთო და მომდევნო 7 თვის განმავლობაში ოპერაციის რაიონის კონტროლისა და სწრაფი რეაგირების ამოცანების შესრულებაზე იქნება პასუხისმგებელი.

ღონისძიებას „მტკიცე მხარდაჭერის“ მისიის ჩრდილოეთ სარდლობის მეთაური, ბრიგადის გენერალი ვოლფ-იურგენ შთალი და კოალიციური ძალების მაღალი რანგის ოფიცრები და სერჟანტები დაესწრნენ.

ქართველ მშვიდობისმყოფელებს სიტყვით ავღანეთში საქართველოს უფროსმა სამხედრო წარმომადგენელმა, პოლკოვნიკმა კახა ტაბატაძემ, ტაქტიკური დაჯგუფება მულტინაციონალური მხარდაჭერის ბატალიონის მეთაურმა, ვიცე-პოლკოვნიკმა მიქაელ ლაბსხიმ და IV მექანიზებული ბრიგადის ნაკრები ასეულის მეთაურმა, მაიორმა გოგა ნოზაძემ მიმართეს. მათ IV მექანიზებული ბრიგადის ნაკრები ასეულის სამხედრო მოსამსახურეებს „მტკიცე მხარდაჭერის“ მისიაში გაწეული სამსახურისთვის მადლობა გადაუხადეს და მისიაში ჩართულ ახალ ქართულ ქვედანაყოფს სამომავლოდ წარმატება უსურვეს.

ღონისძიების ფარგლებში, IV მექანიზებული ბრიგადის სამხედრო მოსამსახურეები “მტკიცე მხარდაჭერის“ მისიის მედლებით და მისიაში ღირსეული და გამორჩეული მსახურისთვის სამახსოვრო საჩუქრებით დაჯილდოვდნენ.

საქართველოს შეიარაღებული ძალების IV მექანიზებული ბრიგადის ნაკრები ასეული გერმანული სარდლობის დაქვემდებარებაში „მტკიცე მხარდაჭერის" მისიას იანვრის თვიდან ასრულებდა. ქვედანაყოფმა სამშვიდობო მისია უდანაკარგოდ და წარმატებით დაასრულა.

ზურაბ ბატიაშვილი - სირიაში შექმნილი სიტუაციიდან ყველაზე მოგებულ პოზიციაში რუსეთი აღმოჩნდა, რაც ცუდი სიგნალია პროდასავლური ქვეყნებისა და ძალებისთვის
ქართული პრესის მიმოხილვა 16.10.2019
ნანა ჩაჩუა - ისეთ ცნებებთან და გრძნობებთან, როგორიცაა  სამშობლო და ღმერთი, პოლიტიკოსები ჯამბაზობენ და ამ მგრძნობიარე ინსტრუმენტებით ჯამბაზებივით ცდილობენ მანიპულირებას
Wolt და Mastercard მომხმარებელს ახალ, შეუფასებელ აქციას სთავაზობს
"ჯადოსნური ახალი წელი აბუ დაბიში" - ლიბერთის და VISA-ს ერთობლივი კამპანია მხოლოდ Apple Pay-ს მომხმარებლისთვის დაიწყო
ლუდი „სტაროპრამენის“ სიურპრიზები სმეგ მაცივრის გათამაშებით გრძელდება