რუსთავის მერმა 12 წლის მარიამ ბეჟოშვილს საერთაშორისო საბალეტო ფესტივალზე მეორე ადგილის დაკავება მიულოცა

ზაქარია ფალიაშვილის სახელობის რუსთავის ხელოვნების სკოლის მოსწავლე მარიამ ბეჟოშვილი, პარიზში გამართულ საერთაშორისო საბალეტო ფესტივალ „პარიზის ვარსკვლავზე“ მეორე ადგილის მფლობელი გახდა.

როგორც „ინტერპრესნიუსს“ რუსთავის მერიიდან აცნობეს, ქალაქის მერმა ირაკლი ტაბაღუამ საკრებულოს თავმჯდომარის მოადგილე ნინო ქავთარაძესთან ერთად, 12 წლის ბალერინას კონკურსზე მიღწეული წარმატება მიულოცა და სიმბოლურ საჩუქართან ერთად, სპეციალური სიგელი გადასცა. ირაკლი ტაბაღუამ, სამახსოვრო სიგელით, მარიამ ბეჟოშვილის პედაგოგი ნატა ფურცელაძეც დააჯილდოვა.

ქალაქის მერმა 12 წლის ბალერინას სამომავლო წარმატებები უსურვა და იმედი გამოთქვა, რომ ის კიდევ არაერთხელ ასახელებს საკუთარ ქალაქს.

„მინდა განასაკუთრებული მადლობა ვუთხრა პედაგოგს და თავად მარიამს, რომელმაც პარიზში გამგზავრებამდე ერთგვარი პირობა დადო, რომ ამ კონკურსში მონაწილეობის მიღების შემთხვევაში, ხელცარიელი არ დაუბრუნდებოდა ქალაქს. მე ვფიქრობ, აი ასეთი ბავშვებისა და ახალგაზრდების ხელშეწყობას დიდი მნიშვნელობა აქვს“, - განაცხადა რუსთავის მერმა ირაკლი ტაბაღუამ.

მარიამ ბეჟოშვილი საფრანგეთში რუსთავის მერიის ხელშეწყობით გაემგზავრა.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს