არჩილ თალაკვაძე - საპრეზიდენტო არჩევნებთან დაკავშირებით მმართველი პარტიის პოზიცია ივლისის ბოლოს, არაუგვიანეს აგვისტოს დასაწყისში გახდება ცნობილი

მმართველი პარტიის პოზიცია საპრეზიდენტო არჩევნებთან დაკავშირებით ივლისის ბოლოს, არაუგვიანეს აგვისტოს დასაწყისში გახდება ცნობილი, - ამის შესახებ საპარლამენტო უმრავლესობის ლიდერმა, არჩილ თალაკვაძემ ჟურნალისტებს განუცხადა.

რაც შეეხება საპრეზიდენტო არჩევნების თარიღს, არჩილ თალაკვაძის თქმით, ამ თარიღის დასახელება საქართველოს პრეზიდენტის, გიორგი მარგველაშვილის პრეროგატივაა.

„საპრეზიდენტო არჩევნების ვადის განსაზღვრა პრეზიდენტის პრეროგატივაა. შესაბამისად, ჯერჯერობით არსებობს ვადა იმისთვის, რომ მან დაასახელოს კონკრეტული თარიღი. რაც შეეხება "ქართული ოცნების" პოზიციას საპრეზიდენტო არჩევნებთან დაკავშირებით, როგორც რამდენიმე თვის წინ განვაცხადეთ, ჩვენ მივდივართ გეგმის მიხედვით", - განაცხადა თალაკვაძემ.

დავით ნარმანია - თუ არ გვინდა გაგვიძვირდეს ტარიფები, უნდა ავაშენოთ ჰესები
ქართული პრესის მიმოხილვა 22.10.2019
დიმიტრი შველიძე  -  მომავალი პარლამენტი ნაყიდი დეპუტატებით და ფრაქციებით აივსება
სასტუმრო „რადისონ ბლუ ივერიამ“ 10 წლის იუბილე აღნიშნა