ზაქარია ქუცნაშვილი - საპრეზიდენტო არჩევნებში სახელისუფლებო პარტია საკუთარი კანდიდატურით უნდა წარდგეს, წინააღმდეგ შემთხვევაში კი, საერთოდ არ ჩაერთოს წინასაარჩევნო პროცესში

“ქართული ოცნების“ დეპუტატის ზაქარია ქუცნაშვილის აზრით, 28 ოქტომბრის საპრეზიდენტო არჩევნებში სახელისუფლებო პარტია საკუთარი კანდიდატურით უნდა წარდგეს, წინააღმდეგ შემთხვევაში კი, საერთოდ არ ჩაერთოს წინასაარჩევნო პროცესში.

“ჩემი პოზიცია იყო, რომ სასურველია “ქართულ ოცნებას“ საკუთარი კანდიდატი ჰყავდეს. იმ შემთხვევაში, თუ “ქართულ ოცნებას“ არ ეყოლება საკუთარი კანდიდატი ან მის მიერ დომინირებული სხვა კანდიდატი - შეიძლება არაპარტიული პირიც, ამ შემთხვევაში საერთოდ არ უნდა ჩაერთოს წინასაარჩევნო კამპანიაში და შესაბამისად, არ მიიღოს არჩევნებში მონაწილეობა მისი წარმომადგენლის გარეშე“, - განუცხადა ჟურნალისტებს ზაქარია ქუცნაშვილმა.

“ქართულ ოცნებას“ 28 ოქტომბრის საპრეზიდენტო არჩევნებში საკუთარი კანდიდატი არ ეყოლება.

დიმიტრი შველიძე -  ხელისუფლების მთავარი თავის ტკივილი „ნაცმოძრაობაა“,  ამ ფონზე, მისთვის შეიძლება უფრო მისაღები იყოს „ევროპული საქართველო“
ქართული პრესის მიმოხილვა 13.08.2020
აგვისტოს ომიდან 12 წლის შემდეგაც საქართველო დგას რუსული აგრესიის წინაშე
Wolt და Mastercard ბათუმში გელიან!