უზენაესი სასამართლოს ყოფილი მოსამართლის გარდაცვალების შემთხვევაში მის შვილებს 18 წლის ასაკის მიღწევამდე, ასევე შრომისუუნარო მეუღლესა და შვილებს (ასაკის მიუხედავად) დაენიშნებათ კომპენსაცია, უზენაესი სასამართლოს მოსამართლის კომპენსაციის 75%-ის ოდენობით.
მოქმედი კანონით, აღნიშნული წესი უზენაესი სასამართლოს წევრის გარდაცვალების შემთხვევაში მოქმედებს. პარლამენტში წარდგენილი ცვლილებებით კი, ხდება ამ წესის უზენაესი სასამართლოს ყოფილი მოსამართლის გარდაცვალების შემთხვევაზე გავრცელება.
“სახელმწიფო კომპენსაციისა და სახელმწიფო აკადემიური სტიპენდიის შესახებ“ კანონში ცვლილებების პროექტი პარლამენტს იურიდიულ საკითხთა კომიტეტის თავმჯდომარემ ეკა ბესელიამ წარუდგინა.