ირანის, თურქეთისა და რუსეთის პრეზიდენტები სირიის საკითხზე შეთანხმდნენ
თეირანში, ირანის, თურქეთისა და რუსეთის ლიდერები სირიაში ჰუმანიტარულ საკითხთან დაკავშირებით კოორდინაციის გაზრდის შესახებ შეთანხმდნენ. ამის შესახებ ჰასან როუჰანიმ, რეჯეფ თაიფ ერდოღანმა და ვლადიმერ პუტინმა დღევანდელი მოლაპარაკებების დასრულების შემდეგ განაცხადეს.
„ირანისა და თურქეთის პრეზიდენტებთან ერთად, განვიხილეთ სირიის ეროვნული დიალოგის კონგრესის გადაწყვეტილებათა რეალიზაციის გზები. განსაკუთრებული ყურადღება დაეთმო საკონსტიტუციო კომიტეტის ამოცანების შესრულებას. შევთანხმდით, ერთად შევუწყოთ ხელი გაერო-ს მუშაობას მისი პერსონალური შემადგენლობის ფორმირებასთან დაკავშირებით სირიის ხელისუფლების წარმომადგენლებიდან, ოპოზიციიდან და სამოქალაქო საზოგადოებიდან. კომიტეტს მოუწევს გამოიმუშავოს ისეთი პარამეტრები სირიის მომავალ მოწყობაზე, რომლებიც მისი ყველა მოქალაქის მშვიდობიან ცხოვრებას უზრუნველყოფდა ერთიან და ტერიტორიულად მთლიან სახელმწიფოში“ - განაცხადა ვლადიმერ პუტინმა.
მისივე თქმით, რუსეთი, ირანი და თურქეთი გაწევენ მნიშვნელოვან როლს სირიაში ჰუმანიტარული ვითარების გასაუმჯობესებლად.
