სალომე ზურაბიშვილი არის ლიდერი ამ საპრეზიდენტო მარათონში. მისი ეს შანსები გაიზარდა, რაც „ქართულმა ოცნებამ“ დაუჭირა მხარი, - ამის შესახებ საპარლამენტო უმრავლესობის წევრმა ზაზა გაბუნიამ სალომე ზურაბიშვილზე საუბრისას, საპარლამენტო უმრავლესობის სხდომის დაწყებამდე განაცხადა.
ზაზა გაბუნიას შეფასებით, კანდიდატის შერჩევისას მათ იხელმძღვანელეს კრიტერიუმით, თუ ვინ მოახერხებდა ყველაზე უკეთ ჩამოეყალიბებინა საპარლამენტო რესპუბლიკაში პრეზიდენტობის ტრადიცია.
"სალომე ზურაბიშვილს აქვს მაღალი ცნობადობა, კარგი რეპუტაცია, კარგი დიპლომატიური გამოცდილება და ნაყოფიერი საპარლამენტო ცხოვრების გამოცდილება ანუ ბევრი რამე იმისთვის, რათა დავინახით, რომ ის არის ლიდერი ამ საპრეზიდენტო მარათონში. მისი ეს შანსები გაიზარდა, რაც „ქართულმა ოცნებამ“ დაუჭირა მხარი," - განაცხადა ზაზა გაბუნიამ.