ტელეკომპანია „იბერიას" ირგვლივ განვითარებულ მოვლენებთან დაკავშირებით, აჭარაში მოქმედი მედიასაშუალებების წარმომადგენლებმა ბათუმში, ევროპის მოედანზე სოლიდარობის აქცია გამართეს.
როგორც ჟურნალისტები აცხადებენ, ისინი ტელეკომპანია „იბერიას" მხარდაჭერას უცხადებენ და ამბობენ, რომ ტელეკომპანიის ირგვლივ განვითრებული მოვლენები ქმნის საშიშროებას, რომ სიტყვის თავისუფლება საფრთხეშია.
ჟურნალისტებს მიაჩნიათ, რომ ქვეყანაში საღი აზრი ნებისმიერი მედიასაშუალებიდან უნდა ისმოდეს.
„მედიას აქვს გარკვეული პრობლემები მუშაობაში და ბუნებრივია კითხვებზე პასუხი უნდა გაეცეს. რაც მთავარია ტელეკომპანიაში ჟურნალისტებს მუშაობის შესაძლებლობა მიეცეთ",- განაცხადა აქციის მონაწილე მალხაზ ჭკადუამ.