ნანგრევებში მოყოლილ ერთ-ერთ მოზარდს ინგოროყვას კლინიკაში ნეიროქირურგიული ოპერაცია უტარდება

ნანგრევებში მოყოლილი სამი მოზარდიდან ორი ინგოროყვას კლინიკაში გადაიყვანეს. როგორც „ინტერპრესნიუსს“ ინგოროყვას კლინიკაში განუცხადეს, 14 და 15 წლის ბიჭები შემთხვევის შემდეგ მათ კლინიკაში გადაიყვანეს. ერთ-ერთი მათგანს, 14 წლის მოზარდს ნეიროქირურგიული ოპერაცია უტარდება, რადგანაც მესამე და მეოთხე მალა აქვს მოტეხილი.

რაც შეეხება მეორე მოზარდს, რომელიც 15 წლისაა, როგორც კლინიკაში განაცხადეს, მისი ჯანმრთელობის მდგომარეობა დამაკმაყოფილებელია და მას შედარებით ნაკლები დაზიანებები აღენიშნება.

შინაგან საქმეთა სამინისტროს ინფორმაციით კი, გარდაბნის გზატკეცილზე, 101 კორპუსის მიმდებარე ტერიტორიაზე, სავარაუდოდ ძველი ავტოფარეხის ჩამონგრევის დროს, ნანგრევებში მოყვნენ 2004 წელს დაბადებული ზ.ხ., 2003 წელს დაბადებული გ.მ. და 2010 წელს დაბადებული ნ.ქ.

„აღნიშნულზე შინაგან საქმეთა სამინისტრომ გამოძიება სისხლის სამართლის კოდექსის 240-ე მუხლის პირველი ნაწილით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს“, - ნათქვამია ინფორმაციაში.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 10.08.2020
სევრის ხელშეკრულების 100 წლისთავი
„მოედანი“ - პროექტი, რომელიც ავლაბარს ახალ სიცოცხლეს შესძენს
ამერიკული სტეიკის მასტერკლასი ბათუმში