არჩილ თალაკვაძე - ჩვენ მომავალშიც დამოუკიდებელი, თავისუფალი და კრიტიკული მედიის პირობებში გავაგრძელებთ საქმიანობას

"ჩვენ ერთგული ვრჩებით პრინციპების და ვფიქრობთ, რომ მომავალშიც დამოუკიდებელი, თავისუფალი და კრიტიკული მედიის პირობებში გავაგრძელებთ საქმიანობას",- აცხადებს საპარლამენტო უმრავლესობის ლიდერი არჩილ თალაკვაძე ტელეკომპანია "იბერიასთან" დაკავშირებით ბოლო დროს მიმდინარე მოვლენებზე.

დეპუტატის თქმით, "ქართული ოცნებისთვის" მთავარი ღირებულებაა მედიის თავისუფლება და მედიაპლურალიზმი". "ღიმილის მომგვრელია, როდესაც ოპოზიცია გვაბრალებს, თითქოს ჩვენ გვინდა რომელიმე მედიის მითვისება. ეს არის სასაცილო ბრალდება, რადგან ჩვენ ყოველთვის გვქონდა ახალი მედიასაშუალების შექმნის შესაძლებლობა და რესურსი, მაგრამ მიგვაჩნია, რომ როგორც მინიმუმ, არაეთიკურია, მმართველ პარტიას ჰქონდეს თავისი ტელევიზია, რასაც ვერ ვიტყოდი ამ შემთხვევაში ოპოზიციაზე, რომელსაც ნამდვილად აქვს თავისი მედიასაშუალებები საქართველოში. შესაბამისად, ჩვენ ერთგული ვრჩებით ამ პრინციპების და მომავალშიც, ვფიქრობთ, რომ დამოუკიდებელი, თავისუფალი და კრიტიკული მედიის პირობებში გავაგრძელებთ საქმიანობას",-განაცხადა თალაკვაძემ.

კითხვაზე უნდა დაიწყოს თუ არა გამოძიება "იბერიასთან" დაკავშირებით გუშინ გავრცელებულ ჩანაწერზე, თალაკვაძე პასუხობს, რომ "ეს საგამოძიებო ორგანომ უნდა გადაწყვიტოს". "ფიქრის საგანი ეს არ არის, ეს არის კანონმდებლობის საგანი და უნდა გადაწყვიტოს საგამოძიებო ორგანომ",-აღნიშნა თალაკვაძემ.

ტელეკომპანია „იბერია“ უკვე მეორე დღეა, საგანგებო რეჟიმში მუშაობს. არხის მფლობელები ხელისუფლებას ზეწოლაში ადანაშაულებენ და არხისთვის მთავარი ფინანსური წყაროს გადაკეტვაში ადანაშაულებენ.

ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
თორნიკე ჯანაშვილი - “რეფორმერი" პოლიტიკაში მოდის
ქართული პრესის მიმოხილვა 13.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ