გია გაჩეჩილაძე - საუბარია, რომ ის ტერიტორიები, სადაც მარიხუანას წარმოების ლიცენზიები შესაძლოა გაიცეს, იყოს მკაცრად დაცული

საპარლამენტო უმრავლესობის წევრი გია გაჩეჩილაძე ადასტურებს, რომ უმრავლესობის გუშინდელ სხდომაზე საქართველოში მარიხუანას წარმოების და ექსპორტზე გატანის საკითხი განიხილეს. როგორც გაჩეჩილაძემ ჟურნალისტებს განუცხადა, ამ ინიციატივას უმრავლესობის ნაწილი ეთანხმენა, ნაწილი კი - არა.

"ვერსიების დონეზე არსებობს ეს საკითხი. შემოვა კანონპროექტი და ყველაფერი გახდება ნათელი. ჩვენ ძალიან გაგვჭედა საკონსტიტუციო სასამართლოს გადაწყვეტილებამ და გვიწევს ვაკუუმის შევსება. რაც შეეხება მარიხუანას კულტივაციას, საუბარი იყო იმაზე, რომ იყოს თუ არა შესაძლებელი სამედიცინო მოხმარების მიზნით მარიხუანას ექსპორტი. საუბარია მხოლოდ ექსპორტზე და ის ტერიტორიები, სადაც ლიცენზიები შესაძლოა გაიცეს, იყოს მკაცრად დაცული. ამაზე საუბარი გუშინდელ სხდომაზეც იყო და ადრეც იყო განხილვა. შსს ესწრებოდა ამ სხდომას და ეს ვერსია შესაძლოა, ითქვას მისიც არის. უმრავლესობის ნაწილი ეთანხმება ამ ინიციატივას, ნაწილი არა",- განაცხადა გაჩეჩილაძემ.

მთავრობას მომზადებული აქვს საკანონმდებლო ინიციატივა, რომელიც ნებადართულს ხდის საქართველოში მარიხუანას წარმოებას, ექსპორტზე გატანის მიზნით - ფარმაცევტული და კოსმეტიკური საშუალებისათვის.

როგორც “ინტერპრესნიუსისთვის“ გახდა ცნობილი, პარტია “ქართული ოცნების“ ოფისში გამართულ უმრავლესობის გუშინდელ სხდომაზე, შს სამინისტროს წარმომადგენლებმა დეპუტატებს საკანონმდებლო პროექტის სამუშაო ვარიანტი გააცნეს, რომელიც ექსპორტზე გატანის მიზნით, საქართველოში სწორედ მარიხუანას წარმოების დაწყებას ითვალისწინებს. პროექტის სამუშაო ვარიანტის მიხედვით, მარიხუანას წარმოება ლიცენზირებად საქმიანობად გამოცხადდება. ამასთან, მსჯელობის საგანია ვერსია, რომლის მიხედვით, გამოცხადდება საერთაშორისო კონკურსი და გამარჯვებული ლიცენზიანტი კონკურსის გზით გამოვლინდება. სავარაუდოდ, სალიცენზიო პირობებში განისაზღვრება საქართველოში მარიხუანას წარმოების გეოგრაფიული არეალი, რაოდენობა და ასე შემდეგ.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა